ಸ್ಫುರದ್ರೂಪಿ ಬಾರ್ಬಿ ಡಾಲ್‌ಗೇನಾದರೂ ಜೀವ ಬಂದರೆ..?!

 1956ರ ಸಂದರ್ಭ. ಆಗೆಲ್ಲಾ ಆಟಿಕೆಯ ಮಕ್ಕಳ ಬೊಂಬೆಗಳಷ್ಟೇ ಮಾರುಕಟ್ಟೆಯಲ್ಲಿ ಲಭ್ಯವಿರುತ್ತಿದ್ದವು.
ಅಮೆರಿಕಾದ ರುತ್ ಹ್ಯಾಂಡ್ಲರ್ ಎಂಬವರ ಮಕ್ಕಳಾದ ಬಾರ್ಬರಾ ಮತ್ತು ಕೆನೆತ್ ಕಾಗದದಲ್ಲಿ ದೊಡ್ಡವರ ಚಿತ್ರಗಳಿಗೆ ಗೊಂಬೆಯ ರೂಪ ನೀಡಿ ಆಡುತ್ತಿದ್ದುದು ಅವರ ಕಣ್ಣಿಗೆ ಬಿತ್ತು. ಅಂದಿನ ಮಾರುಕಟ್ಟೆಯಲ್ಲಿ ಈ ರೀತಿ ದೊಡ್ಡವರ ದೇಹದ ಮಕ್ಕಳ ಗೊಂಬೆಗಳು ಲಭ್ಯವಿರಲಿಲ್ಲ.

ರುತ್ ಹ್ಯಾಂಡ್ಲರ್ ಒಮ್ಮೆ ಜರ್ಮನಿಗೆ ತೆರಳಿದಾಗ ಅಲ್ಲಿನ ಬಿಲ್ವ್ ಲಿಲಿ ಎಂಬ ಗೊಂಬೆ ಅವರ ಕಣ್ಣಿಗೆ ಬಿತ್ತು. ಇದು ಮಕ್ಕಳಾಟಿಕೆಯ, ಆದರೆ ದೊಡ್ಡವರ ದೇಹ ಹೊಂದಿದ ಗೊಂಬೆಯಾಗಿತ್ತು. ಅಮೆರಿಕಾದಲ್ಲೂ ಇಂಥ ಗೊಂಬೆಗಳು ತಯಾರಾಗಬೇಕೆಂದು ನಿರ್ಧರಿಸಿ ಮಾಟೆಲ್ ಎಂಬ ಕಂಪನಿಯ ನಿರ್ದೇಶಕರಲ್ಲಿ ರುತ್ ಹ್ಯಾಂಡ್ಲರ್ ಅನುಮತಿ ಪಡೆದುಕೊಂಡರು. ಬಾರ್ಬಿ ಡಾಲ್ ಹುಟ್ಟಿಕೊಂಡಿದ್ದು ಹೀಗೆ.

ಆದರೆ ಬಾರ್ಬಿ ಅನ್ನೋ ನಿರ್ಜೀವ ಗೊಂಬೆಗೆ ಜೀವ ಬಂದರೆ ಹ್ಯಾಗಿರುತ್ತೆ?! ಅಸಲಿಗೆ ಬಾರ್ಬಿಯನ್ನೇ ಹೋಲುವ ಸ್ಫರದ್ರೂಪಿ ಯುವತಿಯೊಬ್ಬಳಿದ್ದಾಳೆ. ವೆಲೆರಿಯಾ ಲುಕ್ಯಾನೋವಾ ಅವಳ ಹೆಸರು. ಈಕೆಯ ಪಕ್ಕದಲ್ಲೊಂದು ಗೊಂಬೆಯಿಟ್ಟರೆ ಗೊಂಬೆಯಾವುದು ಅಸಲಿ ಹುಡುಗಿ ಯಾವುದು ಅಂತಲೇ ಡೌಟ್ ಬರೋಹಾಗೆ ಪಕ್ಕಾ ಬಾರ್ಬಿಯ ರೀತಿಯಲ್ಲೇ ವೆಲೆರಿಯಾ ಕಾಣಿಸುತ್ತಾಳೆ. ನಮ್ಮ ಊರಿನ ಹುಡುಗರ ಕಣ್ಣಿಗೇನಾದರೂ ಈ ಹುಡುಗಿ ಸಿಕ್ಕಿಬಿಟ್ಟಾಳು ಅನ್ನಿ; ತನ್ನ ಲವ್ವರ್ಗಳಿಗೆಲ್ಲಾ ಟಾಟಾ ಹೇಳಿಬಿಟ್ಟಾರು ಹುಡುಗ್ರು ಹಾಗಿದ್ದಾಳೆ ರಿಯಲ್ ಬಾರ್ಬಿ